ທ່ານ ທອງໃສ ຊານໄຊຍະ ຮອງ​ລັດ​ຖະ​ມົນ​ຕີ ລົງເຄື່ອນ​ໄຫວຊຸກຍູ້ວຽກງານ ພະແນກ ປທສ ແຂວງໄຊຍະບູລີ.

          ໃນວັນທີ 12-13ມີນາ 2020 ຜ່ານມານີ້, ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງໄປສະນີ, ໂທລະຄົມມະນາຄົມ ແລະ
ການສື່ສານ (ປທສ) ໄດ້ເດີນໄປ
ເຄື່ອນ​ໄຫວວຽກ ແລະ ຊີ້ນໍາວຽກງານຢູ່ພະແນກ ປທສ ແຂວງໄຊຍະບູລີ,ເນື່ອ​ງ​ໃນ​ໂອ​ກາດ​ທີ່​ພະ​ແນກ ເປີດກອງ​
ປະ​ຊຸມ​ປະ​ຈຳ​ປີ2019, ໃຫ້ກຽດຕ້ອນຮັບໂດຍ ​ທ່ານ ​ເພັງ​ນິ​ລັນ ຄຳ​ພັນ​ເພັງ ​ຮອງເຈົ້າແຂວງ ແລະ ພະແນກ ປທສ ແຂວງ ຢ່າງອົບອຸ່ນ.

          ທ່ານອິນສະຫັວນ ພົມປັນຍາ ຫົວໜ້າ ປທສ ແຂວງໄຊຍະບູລີ ໄດ້ສະຫຼຸບລາຍງານສະພາບໂດຍລວມໃນການຈັດຕັ້ງປະຕິບັດແຜນພັດທະນາ ປະຈໍາປີ2019 ແລະ ທິດທາງແຜນການປີ2020. ຊຶ່ງໃນໄລຍະ 01 ປີຜ່ານມາສາມາດຍາດໄດ້ຜົນສໍາເລັດທີ່ພົ້ນເດັ່ນຫຼາຍດ້ານເປັນຕົ້ນ: ດ້ານການຈັດຕັ້ງ - ບໍລິຫານ ແລະ ພັດທະນາບຸກຄະລາກອນ  ດ້ານວຽກງານ,ວຽກໄປສະນີ ແລະ ວຽກງານຄຸ້ມຄອງໂທລະຄົມມະນາຄົມ ການ​ຄຸ້ມ​ຄອ​ງຄື້ນຄວາມຖີ່, ວຽກ​ງານ ​ເຕັກ​ໂນ​ໂລ​ຊີການ​ສື່ສານຂໍ້​ມູນ​ຂ່າວ​ສາ​ນ, ວຽກງານບໍລິຫານລັດດ້ວຍເອເລັກໂຕຣນິກ, ການຂະຫຍາຍ​ຕາໜ່າງ ​ດ້ານໂທລະ​ຄົມມະນາຄົມ ຂອງບັນດາສາຂາບໍລິສັດ, ພ້ອມນີ້ຍັງ​ໄດ້​ລາຍງານບາງບັນຫາທີ່ຍັງເປັນສິ່ງທ້າທາຍ ເພື່ອສະເໜີຂໍທິດຊີ້ນຳ ແລະ ຫາວິທີທາງແກ້ໄຂໃຫ້ທັນກັບສະພາບການ.

        ໃນໂອກາດນີ້, ທ່ານຮອງລັດຖະມົນຕີ ໄດ້ໃຫ້ທິດຊີ້ນໍາ ແລະ ໂອ້ລົມຕໍ່ພະແນກ ປທສ ແຂວງ. ຊຶ່ງກ່ອນອື່ໝົດ ທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຍາດມາໄດ້ໃນ​ໄລຍະຜ່ານມາ ເປັນຕົ້ນ: ດ້ານວຽກງານ ບໍລິຫານ ແລະ ພັດທະນາບຸກຄະລາກອນ, ດ້ານວຽກງານ ໄອຊີທີແລະ ການ​ຄຸ້ມ​ຄອ​ງຄື້ນຄວາມຖີ່ ວຽກງານທີ່ກ່ຽວຂ້ອງທີ່ສາມາດສ້າງ​ລາຍ​ຮັບ ແລະ ມອບພັນທະໃຫ້ລັດ​ໄດ້​ຫຼາຍ​ພໍສົມຄວນ. ຄຽງຄູ່ກັນນັ້ນ, ກໍ່ຕ້ອງໄດ້ສືບຕໍ່ເຜີຍແຜ່ເຊື່ອມຊືມ ບັນດາເອກະສານ, ນິຕິກຳຕ່າງໆ ທີ່ພົວພັນກັບ ວຽກງານ ປທສ ໃຫ້ສັງຄົມໄດ້ຮັບຮູ້ ແລະ ເຂົ້າໃຈເອົາໃຈໃສ່ ປັບປຸງກົງຈັກການຈັດຕັ້ງ ໃຫ້ກະທັດ​ຮັດ,​ ຖືກຕ້ອງ ​ແລະ ສອດຄ່ອງ ກັບ​ຄວາມເປັນຈິງ,

    ທ່ານໄດ້ສະແດງຄວາມເປັນຮ່ວງເປັນໄຍ ຕໍ່ແຂວງໄຊຍະບູລີຂອງພວກເຮົາ ເພາະວ່າປະຈຸບັນ​​ສະພາບການແຜ່ລະບາດຂອງພະຍາດ COVID-19 ເປັນວົງກວ້າງໃນທົ່ວໂລກ ແລະຢູ່ບັນດາປະເທດໃກ້ຄຽງ; ແຂວງໄຊຍະບູລີມີຊາຍແດນຕິດກັບປະເທດໄທ ມີດ່ານສາກົນ ແລະ ດ່ານປະເພນີຫຼາຍແຫ່ງຈື່ງມີຄວາມສ່ຽງສູງທີ່ອາດຈະເກີດການແຜ່ລະບາດຂອງພະຍາດດັ່ງກ່າວ, ດັ່ງນັ້ນທ່ານໄດ້ເນັ້ນໜັກໃຫ້​​ການນຳຂອງແຂວງໄຊຍະບູລີ ຕ້ອງ​​ຍົກມາດຕະການເຝົ້າລະວັງແລະຫາມາດຕະການປ້ອງກັນ ເພື່ອຫຼີກເວັ້ນການແຜ່ລະບາດຂອງພະຍາດດັ່ງກ່າວ ແລະ ທຸກຄົນຕ້ອງໄດ້ເພີ່ມສະຕິລະມັດລະວັງຕົວ, ຫ້າມປະໝາດເດັດຂາດ.​
     ສະເໜີໃຫ້ພະແນກ ປສ ແຂວງໄຊຍະບູລີ ສັງລວມຄືນຈຳນວນບ້ານທີ່ບໍ່ມີສັນຍານ ແລ້ວ​​ສົ່ງໃຫ້ອົງການດັດສົມໂທລະຄົມມະນາຄົມ ກະຊວງສ ເພື່ອຊ່ວຍພັກດັນບັນດາບໍລິສັດໂທລະຄົມສຳນັກງານໃຫ່ຢູ່ຂັ້ນສູນກາງ ແກ້ໄຂບັນຫາດັ່ງກ່າວ.ບຕໍ່ພັດທະນາພື້ນຖານໂຄງລ່າງ ຫຼື ຕາໜ່າງດ້ານໄປສະນີ, ໂທລະຄົມມະນາຄົມ ໃຫ້ວ່ອງໄວທົ່ວເຖິງຕາມທິດຫັນເປັນທັນສະໄໝ. ພ້ອມທັງ ສ້າງຄວາມຮັບຮູ້ ແລະ ສົ່ງເສີມ ການຫັນເປັນທັນສະໄໝໃນການຊຳລະສະສາງ ແລະ ການເກັບລາຍຮັບເຂົ້າງົບປະມານ ຜ່ານລະບົບໂທລະສັບມືຖື (Mobile Money) ຕາມທິດຊີ້ນໍາຂອງລັດຖະບານ ໃຫ້ບັນລຸຜົນສໍາເລັດ ແລະ ໄດ້ຮັບການຈັດຕັ້ງປະຕິບັດໂດຍໄວ.

ຜູ້ໃຫ້ບໍລິການທາງດ້ານໂທລະຄົມ

ຜູ້ເຂົ້າຊົມເວັບໄຊ

0040216
ມຶ້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ຈໍານວນເຂົ້າຊົມທັງໝົດ
64
151
996
37994
421
4839
40216
Your IP: 18.232.51.69
Server Time: 2020-04-03 02:02:02