ກອງປະຊຸມວຽກງານໄປສະນີ,ໂທລະຄົມມະ​ນາ​ຄົມ ແລະ ການສື່ສານ ແຂວງໄຊຍະບູລີ ປີ2019

ກອງປະຊຸມວຽກງານໄປສະນີ,ໂທລະຄົມມະ​ນາ​ຄົມ ແລະ ການສື່ສານ ທົ່ວແຂວງໄຊຍະບູລີ ໄດ້ຈັດຂຶ້ນໃນວັນທີ 12-13 ມີນາ 2020 ຢູ່ທີ່ຫ້ອງປະຊຸມຫ້ອງວ່າການແຂວງ. ໂດຍການເປັນປະທານຂອງ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງໄຊຍະບູລີ, ​ເປັນ​ກຽດເຂົ້າຮ່ວມ​ໂດຍ ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງໄປສະນີ,ໂທລະຄົມມະ​ນາ​ຄົມ ແລະ ການສື່ສານ, ມີຮອງເຈົ້າເມືອງ, ຮອງພະແນກການ, ຫົວໜ້າຫ້ອງການ ປທສ ເມືອງ, ລັດວິສາຫະກິດ, ຜູ້ປະກອບການດ້ານ IT ພ້ອມດ້ວຍພະນັກງານຫຼັກແຫຼ່ງພາຍໃນພະແນກ ປທສ ເຂົ້າຮ່ວມ.


ທ່ານ ອິນສະຫວັນ ພົມປັນຍາ ຫົວໜ້າພະແນກ ປທສ ແຂວງໄຊຍະບູລີ ໄດ້ກ່າວໃນກອງປະຊຸມວຽກງານໄປສະນີ,ໂທລະຄົມມະ​ນາ​ຄົມ ແລະ ການສື່ສານທົ່ວແຂວງໄຊຍະບູລີ ເຊິ່ງບາງຕອນໄດ້ກ່າວວ່າ: ໃນ 1 ປີຜ່ານມາບັນດາບໍລິສັດຜູ້ໃຫ້ການບໍລິການດ້ານໂທລະຄົມມະນາຄົມ ໄດ້ເອົາໃຈໃສ່ຂະຫຍາຍເຄືອຂ່າຍໃນລະບົບຕ່າງໆເຂົ້າສູ່ເຂດຊຸມຊົນ ແລະ ເຂດຫ່າງໄກສອກຫຼີກ ໄດ້ແກ້ໄຂບ້ານທີ່ບໍ່ມີລະບົບສັນຍານໂທລະສັບມືຖື ໄດ້ທັງໝົດ 2 ບ້ານ (ບ້ານນໍ້າໂຕ່ມ ເມືອງຄອບ, ບ້ານ ນາຕຸ່ງ ເມືອງປາກລາຍ) ທຽບໃສ່ແຜນປີ 2019 ເທົ່າກັບ 33,33% ຂອງຈໍານວນບ້ານທີ່ບໍ່ມີສັນຍານໃນປີ 2018 ແຕ່ມາຮອດປີ 2019 ນີ້ບ້ານທີ່ບໍ່ມີສັນຍານໂທລະສັບມືຖືເພີ່ມຂຶ້ນອີກ 2 ບ້ານຄື: ບ້ານ ໂພນສີດາ, ບ້ານ ນາຂອນແກ່ນ ເມືອງໄຊຍະບູລີ; ເນື່ອງຈາກ 2 ບ້ານດັ່ງກ່າວເປັນບ້ານທີ່ີໄດ້ຮັບສັນຍານໃນລະບົບ 2G ຂອງບໍລິສັດ LTC ແຕ່ສັນຍານຮັບອ່ອນ. ມາຮອດປະຈຸບັນ LTC ໄດ້ປິດລະບົບ 2G ອອກແລ້ວ ໃຊ້ລະບົບ 3G ແທນ ເຮັດໃຫ້ 2 ບ້ານດັ່ງກ່າວບໍ່ສາມາດຮັບສັນຍານມືຖືໄດ້. ໂດຍລວມແລ້ວມາຮອດປະຈຸບັນ ບ້ານທີ່ບໍ່ສາມາດຮັບສັນຍານມືຖືໂທລະສັບທັງໝົດມີ 6 ບ້ານຄື: ບ້ານ ໂພນສີດາ, ນາຂອນແກ່ນ, ວັງທ່າໝອນ, ຫ້ວຍງູ, ປາກຄານ, ນໍ້າງີມ ແລະ ໄດ້ປັບປຸງບ້ານທີ່ມີສັນຍານອ່ອນໄດ້ທັງໝົດ 4 ບ້ານ ທີ່ຜ່ານມາມີທັງໝົດ 14 ບ້ານ, ທຽບໃສ່ແຜນການປີປະຕິບັດໄດ້ 33,33% ຂອງແຜນປີ, ຂະຫຍາຍສາຍໃຍແກ້ວໄດ້ 130km, ທຽບໃສ່ແຜນປີ 2019 ປະຕິບັດໄດ້ 217,5% ທຽບໃສ່ປີຜ່ານມາເພີ່ມຂຶ້ນ 2,18%. ປະຈຸບັນທົ່ວແຂວງມີສາຍໃຍແກ້ວຍາວທັງໝົດ 6.100km ກວມເອົາ 11 ເມືອງ, ຂະຫຍາຍຕາໜ່າງໂທລະຄົມໄດ້ 177 ສະຖານີ ທຽບໃສ່ປີຜ່ານເພີ່ມຂຶ້ນ 25,57% ຮອດປະຈຸບັນມີສະຖານີທັງໝົດ 896 ສະຖານີ. ປະຈຸບັນທົ່ວແຂວງມີສະຖານີລະບົບ 2G ທັງໝົດ 337 ສະຖານີ, ລະບົບ 3G ມີ 262 ສະຖານີ ແລະ ລະບົບ 4G ມີ 270 ສະຖານີ, ມີໂທລະສັບແບບມີສາຍທັງໝົດ 1.330 ກວ່າເລກໝາຍ, ໂທລະສັບເບີ (030) ມີທັງໝົດ 55.680 ກວ່າເລກໝາຍ, ມີເບີມືຖື (2G, 3G, 4G) ທັງໝົດ 263.207 ເລກໝາຍ, ມີອິນເຕີເນັດທັງໝົດ 1.590 ເລກໝາຍ; ໂດຍລວມແລ້ວມາຮອດປະຈຸບັນມີຜູ້ຊົມໃຊ້ໂທລະສັບເບີ (030) ແລະ ມືຖື 2G, 3G, 4G ທັງໝົດທົ່ວແຂວງມີ 318.895 ເລກໝາຍ ສະເລ່ຍໃສ່ຈໍານວນປະຊາກອນທົ່ວແຂວງ 100 ຄົນຕໍ່ 78 ເລກໝາຍ, ທຽບໃສ່ປີຜ່ານມາຫຼຸດລົງ 10 ເລກໝາຍ/100 ຄົນ ໃນ 1 ປີຜ່ານມາສາມາດສ້າງລາຍຮັບໄດ້ທັງໝົດ 96 ຕື້ 514 ລ້ານກວ່າກີບ; ໃນນີ້ມີກໍາໄລ 56 ຕື້ 270 ລ້ານກວ່າກີບ, ມອບພັນທະເຂົ້າງົບປະມານ 14 ຕື້ 700 ກວ່າລ້ານກີບ ແລະ ມອບອຸປະຖໍາສັງຄົມ 137 ລ້ານກວ່າກີບ. ທ່ານຍັງກ່າວຕື່ມວ່າ: ໃນປີ 2020 ນີ້ຈະສືບຕໍ່ແກ້ໄຂບ້ານທີ່ບໍ່ມີສັນຍານໃຫ້ມີສັນຍານໂທລະສັບໃຊ້ 2 ບ້ານຄື: ບ້ານ ຫ້ວຍງູ, ບ້ານ ປາກຄານ ເມືອງປາກລາຍ ແລະ ປັບປຸງແກ້ໄຂບ້ານທີ່ມີສັນຍານອ່ອນໃຫ້ໄດ້ 14 ບ້ານ, ຂະຫຍາຍສາຍໃຍແກ້ວໃຫ້ໄດ້ 724km, ຂະຫຍາຍຕາໜ່າງໂທລະຄົມໃຫ້ໄດ້ 212 ສະຖານີ; ໃນນີ້ລະບົບ 2G ໃຫ້ໄດ້ 2 ສະຖານີ, 3G ໃຫ້ໄດ້ 17 ສະຖານີ ແລະ 4G ໃຫ້ໄດ້ 102 ສະຖານີ, ຂະຫຍາຍໂທລະສັບຕັ້ງໂຕະແບບມີສາຍໃຫ້ໄດ້ 48 ເລກໝາຍ, ໂທລະສັບ (030) ໃຫ້ໄດ້ 2.298 ເລກໝາຍ, ເບີໂທລະສັບມືຖື 7.909 ເລກໝາຍ, ເບີອິນເຕີເນັດ (ຊິມເນັດ)ໃຫ້ໄດ້ 13.087 ເລກໝາຍ, ອິນເຕີເນັດ (User) ໃຫ້ໄດ້ 996 ເລກໝາຍ. ສະເລ່ຍໃສ່ຈໍານວນປະຊາກອນທົ່ວແຂວງໃຫ້ເພີ່ມຂຶ້ນເປັນ 100 ຄົນຕໍ່ 80 ເລກໝາຍ ໃນປະຊາກອນທົ່ວແຂວງໄຊຍະບູລີ 407.004 ຄົນ.

 

ຜູ້ໃຫ້ບໍລິການທາງດ້ານໂທລະຄົມ

ຜູ້ເຂົ້າຊົມເວັບໄຊ

0040163
ມຶ້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ຈໍານວນເຂົ້າຊົມທັງໝົດ
11
151
943
37994
368
4839
40163
Your IP: 18.232.51.69
Server Time: 2020-04-03 00:22:26