ສໍາເລັດຊຸດອົບຮົມ #ນັກສໍາຫຼວດເສດຖະກິດທົ່ວປະເທດຄັ້ງທີ III ທີ່ແຂວງໄຊຍະບູລີ.

ພິທີປິດຊຸດອົບຮົມການສໍາຫຼວດເສດຖະກິດທົ່ວປະເທດຄັ້ງທີ III 7 ແຂວງພາກເໜືອ#ທີ່ແຂວງໄຊຍະບູລີ ໄດ້ຈັດຂຶ້ນໃນວັນທີ 25 ກຸມພາ 2020 ນີ້ ຢູ່ທີ່ຫ້ອງປະຊຸມຫ້ອງວ່າການປົກຄອງເມືອງໄຊຍະບູລີ ພາຍຫຼັງທີ່ໄດ້ດໍາເນີນມາເປັນເວລາ 10 ວັນ, ໃຫ້ກຽດເຂົ້ານຮ່ວມ ຂອງທ່ານ ເພັງນິລັນ ຄໍາພັນເພັງ ຮອງເຈົ້າແຂວງໄຊຍະບູລີ, ປະທານຄະນະຊີ້ນໍາຂັ້ນແຂວງ,

ການສໍາຫຼວດເສດຖະກິດທົ່ວປະເທດຄັ້ງທີ III ມີບັນດາຄະນະຫ້ອງການສໍາຫຼວດຂັ້ນສູນກາງ, ຫົວໜ້າສູນສະຖິຕິປະຈໍາແຂວງ, ຫົວໜ້າຫ້ອງການສໍາຫຼວດຂັ້ນແຂວງ, ມີວິທະຍາກອນຈາກສູນກາງ ແລະ ສໍາມະນາກອນຈາກ 7 ແຂວງພາກເໜືອເຂົ້າຮ່ວມ 200 ກວ່າຄົນ.

ທ່ານ ວິໄລສຸກ ສີສຸລາດ ຮອງຫົວໜ້າກົມສະຖິຕິສັງຄົມ ໄດ້ຂຶ້ນລາຍງານຜົນການອົບຮົມ ເຊິ່ງທ່ານໄດ້ກ່າວວ່າ. ການຝຶກອົບຮົມນັກສໍາຫຼວດເສດຖະກິດທົ່ວປະເທດຄັ້ງທີ III ແມ່ນໄດ້ດໍາເນີນໄປເປັນເວລາ 10 ວັນ ນັກສໍາມະນາກອນໄດ້ຮຽນຮູ້ທິດສະດີ ແລະ ລົງພາກປະຕິບັດຕົວຈິງຢູ່ບັນດາບ້ານຫົວໜ່ວຍທຸລະກິດ, ຜູ້ປະກອບການຕ່າງໆ ພາຍໃນເມືອງໄຊຍະບູລີ, ມີ 7 ບ້ານ 400 ຫົວໜ່ວຍ ໂດຍຮັບຜິດຊອບຄົນລະ 2 ຫົວໜ່ວຍ ແຕ່ລົງສໍາພາດຕົວຈິງ ສາມາດສໍາພາດໄດ້ 293 ຫົວໜ່ວຍ. ການເຮັດທົດລອງແມ່ນດໍາເນີນຕາມຂັ້ນຕອນ, ການສໍາພາກ ແລະ ບັນທຶກຂໍ້ມູນດ້ວຍລະບົບ CAPI ການຈັບຈຸດທີ່ຕັ້ງຂອງບັນດາຫົວໜ່ວຍທຸລະກິດທີ່ຖືກສໍາພາດ, ການຕິດຕາມນັກເດີນສໍາຫຼວດດ້ວຍລະບົບ GPS ໂດຍສະເລ່ຍເວລາການສໍາພາດ ຫົວໜ່ວຍນ້ອຍ - ຫົວໜ່ວຍໃຫ່ຍ ຈະໃຊ້ເວລາທັງໝົດປະມານ 25 – 40 ນາທີຕໍ່ຫົວໜ່ວຍ ຈາກການປະເມີນຜົນຕົວຈິງເຫັນວ່ານັກສໍາມະນາກອນມີຄວາມຮັບຮູ້ເຂົ້າໃຈ ຕໍ່ກັບຈຸດປະສົງ ນິຍາມ ວິທີການຈົດກ່າຍ ແລະ ການນໍາໃຊ້ CAPI ໃນການບັນທຶກຂໍ້ມູນແມ່ນຢູ່ໃນລະດັບດີຫຼາຍ ເພາະນັກເດີນສໍາຫຼວດຈາກບັນດາແຂວງສ່ວນໃຫ່ຍ ແມ່ນຖືກຕ້ອງຕາມເງື່ອນໄຂ, ມີປະສົບປະການໃນການປະຕິບັດການສໍາຫຼວດ, ມີຄວາມຮູ້ ແລະ ປະສົບການໃນການນໍາໃຊ້ຄອມພິວເຕີ CAPI ສາມາດຮຽນຮູ້ໄດ້ໄວແລະ ນໍາໃຊ້ໄດ້.

ຈາກນັ້ນ ທ່ານ ເພັງນິລັນ ຄໍາພັນເພັງ ຮອງເຈົ້າ ແຂວງໄຊຍະບູລີ ກໍ່ໄດ້ເນັ້ນຕື່ມວ່າ ເພື່ອຮັບປະກັນເຮັດໃຫ້ບັນດໍາເນີນການເດີນສໍາຫຼວດເສດຖະຖະກິດທົ່ວປະເທດຄັ້ງທີ IIIໄດ້ຮັບຜົນສໍາເລັດ ຮຽກຮ້ອງບັນດາທ່ານ ຈົ່ງໄດ້ເອົາໃຈໃສ່ ການເກັບກໍາຂໍ້ມູນ, ຕ້ອງຍຶດໜັ້ນໃນຫຼັກການ, ວິທີການ ແລະ ຂັ້ນຕອນ ຍາມໃດກໍ່ຕ້ອງໃຫ້ເຂົ້າໃຈສະເໝີວ່າ ບັນດາທ່ານແມ່ນບຸກຄົນທີ່ສໍາຄັນ ຕໍ່ກັບຄວາມຖືກຕ້ອງ, ຄວາມຄົບຖ້ວນ ແລະ ຄຸນນະພາບຂອງຂໍ້ມູນ ກວດກາ ແລະ ປະສານກັບອໍານາດ ການປົກຄອງທ້ອງຖິ່ນ ໃນການກວດກາບັນຊີຫົວໜ່ວຍທຸລະກິດ ແລະ ວິສາຫະກິດ ຫ້າງຮ້ານ ທີ່ນອນຢູ່ໃນເປົ້າໝາຍການສໍາຫຼວດໃຫ້ຈະແຈ້ງ, ແຕ່ລະຫົວໜ່ວຍຈະເດີນສໍາຫຼວດເວລາໃດ ແລະ ແຈ້ງໃຫ້ຫົວໜ່ວຍຮັບຊາບກ່ອນຈະລົງໄປສໍາຫຼວດ ແນະນໍາໃຫ້ຫົວໜ່ວຍຕ່າງໆທີ່ນອນໃນເປົ້າໝາຍກະກຽມບັນດາເອກະສານທີ່ຈໍາເປັນເຊັ່ນ: ໃບທະບຽນວິສາຫະກິດ, ໃບເສຍພັນທະອາກອນ ແລະ ບັນຊີລາຍຮັບ-ລາຍຈ່າຍຕ່າງໆ. ອີກດ້ານໜຶ່ງ ຕ້ອງປະຕິບັດລະບອບການລາຍງານໃຫ້ນັກກວດກາ ແລະ ຫ້ອງການສໍາຫຼວດຢ່າງເປັນປົກກະຕິ ເພື່ອໃຫ້ສາມາດກໍາໄດ້ບັນຫາ ແລະ ແກ້ໄຂໄດ້ທັນເວລາ ຮັບປະກັນການເກັບກໍາຂໍ້ມູນທຸກຫົວໜ່ວຍ, ສໍາພາດທຸກຄໍາຖາມ ແລະ ບັນທຶກທຸກຄໍາຕອບຢ່າງຖືກຕ້ອງ ແລະ ຄົບຖ້ວນ ສະນັ້ນຮຽກຮ້ອງມາຍັງທ່ານ ທີ່ເປັນນັກສໍາຫຼວດ ແລະ ນັກກວດກາຈົ່ງນໍາເອົາເນື້ອໃນ ບົດຮຽນໃນການຝຶກອົບຮົມຄັ້ງນີ້ໄປຈັດຕັ້ງຜັນຂະຫຍາຍຢ່າງມີລະບອບແບບແຜນ ແລະ ປະກົດຜົນເປັນຈິງ.

 

 

 ຂ່າວ: ບຸນທີ.

ຜູ້ໃຫ້ບໍລິການທາງດ້ານໂທລະຄົມ

ຜູ້ເຂົ້າຊົມເວັບໄຊ

0040169
ມຶ້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ຈໍານວນເຂົ້າຊົມທັງໝົດ
17
151
949
37994
374
4839
40169
Your IP: 18.232.51.69
Server Time: 2020-04-03 00:36:10