ເມືອງໄຊສະຖານໄຂກອງປະຊຸມໃຫຍ່ຄັ້ງທີ II ຂອງຜູ້ແທນອົງຄະນະພັກ

ກອງປະຊຸມໃຫຍ່ຄັ້ງທີ II ຂອງຜູ້ແທນອົງຄະນະພັກ ເມືອງໄຊສະຖານ#ແຂວງໄຊຍະບູລີ ໄດ້ເປີດຂຶ້ນຢ່າງເປັນທາງການໃນຕອນເຊົ້າວັນທີ 5 ກຸມພາ 2020, ທີ່ຫ້ອງປະຊຸມໃຫຍ່ຂອງເມືອງດັ່ງກ່າວ, ໂດຍການເປັນປະທານຂອງ ສະຫາຍ ກອງສີ ວົງສີ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ ໄຊສະຖານ, ເປັນກຽດເຂົ້າຮ່ວມມີ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ມີຄະນະປະຈຳພັກແຂວງ, ກໍາມະການພັກແຂວງ,

ຄະນະປະຈຳພັກເມືອງ, ກຳມະການພັກເມືອງ, ມີພະນັກງານອາວຸໂສບຳນານ, ນັກທຸລະກິດ, ຜູ້ປະກອບການ, ແຂກຮັບເຊີນຈາກເມືອງອ້ອມຂ້າງ ເຂົ້າຮ່ວມ 100 ກວ່າສະຫາຍ, ໃນນັ້ນມີຜູ້ແທນສົມບູນທີ່ມາຈາກຄະນະພັກຮາກຖານ ແລະ ໜ່ວຍພັກທົ່ວເມືອງ 69 ສະຫາຍ, ຍິງ 6 ສະຫາຍ, ທີ່ເປັນຕົວແທນໃຫ້ແກ່ສະມາຊິກພັກທັງໝົດ 704 ສະຫາຍ.

ໃນວາລະດໍາເນີນກອງປະຊຸມ ສະຫາຍ ກອງສີ ວົງສີ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານຮ່າງລາຍງານການເມືອງທັງສອງພາກ ຊຶ່ງໄດ້ທົບທວນ ແລະ ຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ I ໂດຍຍົກໃຫ້ເຫັນຜົນສຳເລັດ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຈາກການປະຕິບັດໜ້າວຽກງານຮອບດ້ານຜ່ານມາ, ພ້ອມທັງໄດ້ກໍານົດທິດທາງ ແລະ ຄາດໝາຍສູ້ຊົນໃນ 5 ປີຕໍ່ໜ້າ ( 2020-2024 ), ໂດຍລວມແລ້ວ ທົ່ວເມືອງແມ່ນມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບໂດຍພື້ນຖານ, ເສດຖະກິດຂະຫຍາຍຕົວຕໍ່ເນື່ອງໃນລະດັບ 7,2% ຕໍ່ປີ, ລວມຍອດລາຍຮັບບັນລຸ 108 ຕື້ກີບ, ສະເລ່ຍຕໍ່ຫົວຄົນໄດ້ 6,88 ລ້ານກີບ, ຫຼື ເທົ່າກັບ 860 ໂດລາ, ກະສິກໍາຂະຫຍາຍຕົວ 4,07%, ອຸດສາຫະກໍາ 0,87% ແລະ ການບໍລິການຂະຫຍາຍຕົວ 2,27%, ການຜະລິດໄດ້ຫັນປ່ຽນຈາກການຜະລິດແບບທໍາມະຊາດ ໄປສູ່ການຜະລິດເປັນສິນຄ້າເທື່ອລະກ້າວ, ຄອບຄົວຕົວແບບດ້ານຕ່າງໆໄດ້ເພີ່ມຂຶ້ນ ເປັນຕົ້ນແມ່ນ: ການປູກຊາຕິດພັນກັບການປຸງແຕ່ງ, ການປູກແຂມ, ປູກເຜືອກຫອມ ແລະ ອື່ນໆ, ການປຸງແຕ່ງຂະໜາດນ້ອຍໄດ້ເກີດຂຶ້ນເຊັ່ນ: ການຜະລິດຊາທີ່ຖືກຮັບຮອງເປັນສິນຄ້າໜຶ່ງເມືອງໜຶ່ງຜະລິດຕະພັນ, ການບໍລິການຄ້າ-ຂາຍໄດ້ຂະຫຍາຍໄປທຸກໆບ້ານ, ແຕ່ລະບ້ານແມ່ນໄດ້ຊົມໃຊ້ໄຟຟ້າຖາວອນ 100%, ມີເສັ້ນທາງເຂົ້າເຖິງ ແລະ ສາມາດທຽວໄດ້ສອງລະດູ, ໄດ້ຍົກລະດັບຄຸນນະພາບການສືກສາ, ປະຕິບັດຄາດໝາຍສະຫັດສະວັດດ້ານການສືກສາ 15 ຕົວຊີ້ວັດບັນລຸ 33,3%, ວຽກງານສາທາລະນະສຸກແມ່ນໄດ້ເຂົ້າເຖິງ 100%, ສ້າງບ້ານສາທາລະນະສຸກແບບຢ່າງໄດ້ 8 ບ້ານ, ສ້າງບ້ານວັດທະນະທໍາໄດ້ 5 ບ້ານ, ປະຈຸບັນທົ່ວເມືອງຍັງມີຄອບຄົວທຸກຍາກ 630 ຄອບຄົວ, ເທົ່າກັບ 22,64% ຂອງຄອບຄົວທັງໝົດ, ຈາກນັ້ນຜູ້ແທນກອງປະຊຸມແມ່ນຈະໄດ້ພ້ອມກັນຄົ້ນຄົ້ວ, ປະກອບຄໍາຄິດຄໍາເຫັນ ແລະ ຮັບຮອງເອົາບັນດາເອກະສານສຳຄັນຕ່າງໆ, ພ້ອມທັງຄັດເລືອກເອົາຄະນະບໍລິຫານງານພັກເມືອງຊຸດໃໝ່, ຄັດເລືອກເອົາ ປະທານ, ຮອງປະທານກວດກາ, ຜູ້ແທນສົມບູນ ແລະ ສໍາຮອງ ເພື່ອໄປຮ່ວມກອງປະຊຸມໃຫຍ່ອົງຄະນະພັກແຂວງ, ຮັບຟັງການປະກອບຄໍາຄິດຄໍາເຫັນຂອງບັນດາຫ້ອງການ, ກົມກອງ ແລະ ຕົວແບບດ້ານຕ່າງໆ, ຮັບຟັງການໂອ້ລົມຂອງ ສະຫາຍ ເລຂາພັກແຂວງ ແລະ ຈະໄດ້ດຳເນີນໄປເປັນເວລາ 2 ວັນຈິ່ງຈະສຳເລັດ.
.............
ຂ່າວ-ພາບໂດຍ: ອຸ່ນເຮືອນ ໂພທິລັກ.

ຜູ້ໃຫ້ບໍລິການທາງດ້ານໂທລະຄົມ

ຜູ້ເຂົ້າຊົມເວັບໄຊ

0033298
ມຶ້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ຈໍານວນເຂົ້າຊົມທັງໝົດ
114
205
737
31571
2724
5006
33298
Your IP: 3.214.224.224
Server Time: 2020-02-19 18:49:20