ໄຂກອງປະຊຸມຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ່ 7 ແຂວງໄຊຍະບູລີ

ກອງປະຊຸມຄະນະສະມາຊິກສະພາແຫ່ງຊາດເຂດເລືອກຕັ້ງທີ່ 7 ແຂວງໄຊຍະບູລີ ໄດ້ມີຂຶ້ນໃນວັນທີ 27 ມັງກອນ 2020 ນີ້ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງໄຊຍະບູລີ. ໂດຍການເປັນປະທານ ຂອງທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ, ເຂົ້າຮ່ວມມີ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງໄຊຍະບູລີ, ຫົວໜ້າພະແນກການ, ກົມກອງ, ເຈົ້າເມືອງ ພ້ອມດ້ວຍແຂກຖືກເຊີນ ເຂົ້າຮ່ວມ.
ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ ປະທານສະພາປະຊາຊົນແຂວງ, ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ

ໄດ້ກ່າວວ່າ: ກອງປະຊຸມຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ຄັ້ງນີ້ແມ່ນຈະໄດ້ຕີລາຄາຄືນຜົນ ຂອງການຈັດຕັ້ງຜັນຂະຫຍາຍເນື້ອໃນມະຕິກອງປະຊຸມສະໄໝສາມັນເທື່ອທີ 8 ທີ່ສະພາແຫ່ງຊາດຮັບຮອງ ເພື່ອຫັນມາເປັນທິດທາງແຜນການຮ່ວມກັບອົງການປົກຄອງແຂວງ ໃນການຈັດຕັ້ງປະຕິບັດໃຫ້ບັນລຸຜົນສໍາເລັດຕາມລະດັບຄາດໝາຍ ທີ່ມະຕິກອງປະຊຸມໄດ້ກໍານົດໄວ້. ດັ່ງນັ້ນໃນໄລຍະດໍາເນີນກອງປະຊຸມພວກເຮົາຈະໄດ້ສຸມໃສ່ຕີລາຄາບາງບັນຫາສໍາຄັນຈໍານວນໜຶ່ງເຊັ່ນ: ຈະໄດ້ຮັບຟັງ ບົດສະຫຼຸບການເຄື່ອນໄຫວວຽກງານ ປະຈໍາປີ 2019 ແລະ ທິດທາງແຜນການ ປະຈໍາປີ 2020 ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ, ຮັບຟັງ ການຜ່ານມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານ ຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2019 ແລະ ທິດທາງແຜນການປີ 2020

 

ບົດລາຍງານ ຂອງລັດຖະບານກ່ຽວກັບການຈັດຕັ້ງປະຕິບັດງົບປະມານແຫ່ງລັດ ປະຈໍາປີ 2018, ຄາດຄະເນໝົດປີ 2019 ແລະ ທິດທາງແຜນການປີ 2020, ຮັບຟັງການຜ່ານມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານ ຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2019 ແລະ ທິດທາງແຜນການປີ 2020, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ ( ໂຄງການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ (ໂຄງການລົງທຶນຂອງລັດ, ເອກຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ທີ່ຕິດພັນກັບພະແນກໂຍທາທິການ ແລະ ຂົນສົ່ງ, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ (ໂຄງການລົງທຶນຂອງລັດ, ເອກຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ທີ່ຕິດພັນກັບພະແນກພະລັງງານ ແລະ ບໍ່ແຮ່, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ (ໂຄງການລົງທຶນຂອງລັດ, ເອກຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ທີ່ຕິດພັນກັບພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ (ໂຄງການລົງທຶນຂອງລັດ, ເອກຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ທີ່ຕິດພັນກັບພະແນກ ກະສິກໍາ ແລະ ປ່າໄມ້, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ (ໂຄງການລົງທຶນຂອງລັດ, ເອກຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ທີ່ຕິດພັນກັບພະແນກ ສຶກສາທິການ ແລະ ກິລາ, ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງ (ໂຄງການລົງທຶນຂອງລັດ, ເອກຊົນພາຍໃນ ແລະ ຕ່າງປະເທດ) ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ທີ່ຕິດພັນກັບພະແນກ ສາທາລະນະສຸກ, ຮັບຟັງການລາຍງານ ກ່ຽວກັບການຈັດຕັ້ງປະຕິບັດລາຍຮັບພູດສູນກາງຄຸ້ມຄອງ ຢູ່ແຂວງໄຊຍະບູລີ ປະຈໍາປີ 2019 ແລະ ທິດທາງແຜນການປີ 2020 ຂອງພະແນກ ການເງິນ, ຮັບຟັງການລາຍງານ ກ່ຽວກັບຜົນກວດກາການຈັດຕັ້ງປະຕິບັດຜົນ ຂອງການກວດສອບແຫ່ງລັດ ຢູ່ແຂວງໄຊຍະບູລີປະຈໍາປີ 2019 ແລະ ທິດທາງແຜນການປີ 2020 ຂອງອົງການກວດກາລັດແຂວງ, ຮັບຟັງການລາຍງານ ກ່ຽວກັບຜົນການຕິດຕາມກວດກາການຈັດຕັ້ງປະຕິບັດບັນດາໂຄງການລົງທຶນ ຂອງສູນກາງຢູ່ແຂວງໄຊຍະບູລີ ຈາກຕາງໜ້າຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງ, ຮັບຟັງການປະກອບຄໍາເຫັນ ຂອງຄະນະປະຈໍາສະພາແຫ່ງຊາດຕໍ່ກອງປະຊຸມ ແລະ ສະເໜີຜ່ານຮ່າງມະຕິກອງປະຊຸມ ວ່າດ້ວຍການຮັບຮອງເອົາການເຄື່ອນໄຫວວຽກງານປະຈໍາປີ 2019 ແລະ ທິດທາງແຜນການປະຈໍາປີ 2020 ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 7 ແຂວງໄຊຍະບູລີ. ທັງໝົດນັ້ນລ້ວນແຕ່ເປັນບັນຫາສໍາຄັນ ເພາະເປັນການສະຫຼຸບຕີລາຄາການເຄື່ອນໄຫວວຽກງານ ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງກໍ່ຄືການສະຫຼຸບຕີລາຄາການຈັດຕັ້ງປະຕິບັດບັນດາມະຕິ, ນິຕິກໍາທີ່ສະພາແຫ່ງຊາດຮັບຮອງ, ບັນດາໂຄງການທີ່ສະພາແຫ່ງຊາດອະນຸມັດ ແລະ ຖືກຈັດຕັ້ງປະຕິບັດຢູ່ພາຍໃນແຂວງ ໂດຍສະເພາະກໍ່ແມ່ນຄວາມຮັບຜິດຊອບ ຂອງອົງການປົກຄອງແຂວງໃນການຈັດຕັ້ງປະຕິບັດໃຫ້ມີຜົນສໍາເລັດຕາມລະດັບຄາດໝາຍ.
...........

ຂ່າວ: ບຸນທີ.

 

ຜູ້ໃຫ້ບໍລິການທາງດ້ານໂທລະຄົມ

ຜູ້ເຂົ້າຊົມເວັບໄຊ

0033303
ມຶ້ນີ້
ມື້ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ຈໍານວນເຂົ້າຊົມທັງໝົດ
119
205
742
31571
2729
5006
33303
Your IP: 3.214.224.224
Server Time: 2020-02-19 19:04:35