ພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້ຈັດພິທີເລື່ອນສະມາຊິກພັກສຳຮອງ ຂື້ນເປັນສະມາຊິກພັກສົມບຸນ

ໃນຕອນບ່າຍ ເວລາ 14:30 ນາທີ ຂອງວັນທີ 22 ສີງຫາ 2019 ທີ່ຜ່ານມານີ້ ຢູ່ທີ່ຫ້ອງປະຊຸມ ພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງ, ໜ່ວຍພັກພະແນກ ປທສ ແຂວງ ໄດ້ຈັດພິທີເລື່ອນສະມາຊິກພັກສຳຮອງ ຂື້ນເປັນສົມບູນ ຈຳນວນ 01 ສະຫາຍ, ຍິງ 01 ສະຫາຍ. ໃຫ້ກຽດເປັນປະທານໃນພິທີຄັ້ງນີ້ໂດຍແມ່ນ  ສະຫາຍ ອີນສະຫວັນ ພົມປັນຍາ  ເລຂາໜ່ວຍພັກ ຫົວໜ້າພະແນກ ປທສ ແຂວງ. ມີບັນດາສະຫາຍ ຄະນະໜ່ວຍພັກ ແລະ ມີສະມາຊິກພັກສົມບູນ ພາຍໃນໜ່ວຍ ເຂົ້າຮ່ວມທັງໝົດ 12 ສະຫາຍ ຍິງ 06 ສະຫາຍ. 


         ໃນພິທີຄັ້ງນີ້ຄະນະຈັດຕັງພິທີໄດ້ສະເໜີຈຸດປະສົງ ແລະ ຜູ້ເຂົ້າຮ່ວມ ຈາກນັ້ນ ສະມາຊິກພັກສຳຮອງຈຳນວນ 01 ສະຫາຍ ກໍ່ໄດ້ຂື້ນຜ່ານໃບຄຳຮ້ອງຂໍເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ ແລະ ໃຫ້ຄຳປະຕິຍານຕໍ່ໜ່ວຍພັກ, ສະມາຊິກພັກສົມບູນຜູ້ຕິດຕາມສະມາຊິກພັກສຳຮອງທັງ 2 ສະຫາຍກໍ່ໄດ້ຜ່ານໃບຍັ້ງຢືນ ຕໍ່ໜ່ວຍພັກ ເຊິ່ງມີ 02 ສະຫາຍ ຄື: ສະຫາຍ ພຽງປະດິດ ດາໜູພັນ ແລະ ສະຫາຍ ນາງ ດວງໄພວອນ ສີບູບຜາ ຜ່ານການຝຶກຝົນຫຼໍ່ຫຼອມໃນສະໄໝສຳຮອງ, ຈາກນັ້ນ ສະຫາຍ ນາງ ມະນີໄລ ສິດທິໄຊ  ຮອງເລຂາໜ່ວຍພັກ ຮອງຫົວໜ້າພະແນກ ກໍ່ໄດ້ຜ່ານ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການອານຸມັດເລື່ອນສະມາຊິກພັກສຳຮອງ ຂື້ນເປັນສົມບຸນ ສະບັບເລກທີ 512 /ຄພຂ, ລົງວັນທີ 20ສີງຫາ 2019. ສະຫາຍ ອີນສະຫັວນ ພົມປັນຍາ ເລຂາໜ່ວຍພັກ, ຫົວໜ້າພະແນກ ກໍ່ໄດ້ຂື້ນຮັບເອົາສະມາຊິກພັກສົມບູນໃໝ່ ຂອງໜ່ວຍພັກ ພະແນກ ປທສ ແຂວງ ຢ່າງເປັນທາງການ.
       ໃນພິທີຄັ້ງນີ້ກໍ່ໄດ້ຮັບຟັງການໂອ້ລົມຂອງ ສະຫາຍ ອີນສະຫັວນ ພົມປັນຍາ ເລຂາໜ່ວຍພັກ
, ຫົວໜ້າພະແນກ ເຊີ່ງທ່ານໄດ້ຍົກໃຫ້ເຫັນຫຼາຍບັນຫາ ໂດຍສະເພາະແມ່ນກົດລະບຽບຂອງພັກ ສະໃໝທີ X ແລະ ແນວທາງນະໂຍບາຍຂອງພັກພ້ອມທັງອະທິບາຍເຖິງ ສິດ, ໜ້າທີ່ ແລະ ບັນດາຂໍ້ຫ້າມ ຂອງສະມາຊິກພັກເພື່ອເຮັດໃຫ້ສະມາຊິກສົມບູນໃໝ່ກຳແໜ້ນ ແລະ ເປັນແບບຢ່າງທີ່ດີໃຫ້ມະຫາຊົນ. ຈາກນັ້ນສະມາຊິກສົມບູນໃໝ່ກໍ່ໄດ້ຂື້ນຮັບຄຳຕັກເຕືອນ ຈາກສະຫາຍ ອີນສະຫັວນ ພົມປັນຍາ ເລຂາໜ່ວຍພັກ, ຫົວໜ້າພະແນກ ປທສ ແຂວງ.

        ພິທີດັ່ງກ່າວໄດ້ດຳເນີນມາເປັນເວລາ 1 ຕອນ ແລະ ໄດ້ສຳເລັດ ໃນເວລາ 16:00 ນາທີ ຂອງວັນດຽວກັນນັ້ນ.

Login Form